話講有異長時間無去河濱𠊎兜个花園去做志工咧,一停動就歸身泥棍棍仔,當無鬆爽,緊無行前緊無想愛去ten手,成時去同阿賴打一下嘴鼓定定,毋過心情又一滴仔敗勢,單淨欣賞靚花無出力做事,當毋好意思啊!
該日堵著阿廖哥一儕人在該煞猛倒樹仔,開忒花的木芙蓉樹梗愛斬忒,過忒年正會大打花,我𢯭一下手,有付出的感覺心情當好,飯有食較多,該暗晡也較好睡。五日後臨暗仔再過來,還係看著佢一儕在該徙玫瑰花,對路脣徙到園區內,有幫兜仔。正經係多手腳好做事啊,這花園有咧阿廖哥个打拚,有咧無共樣个煥然一新。
★★★★★*******(((((((((((((((())))))))))))))))*******★★★★★
木芙蓉花期過都被剃光頭了
只剩前後兩棵山芙蓉倖存