226該日掛紙時節
看着4隻家濟仔
3隻烏同白間色个,1隻紅、白、黃、吊菜青間等个
做盡係用塑膠扁索仔(打包帶)織出來个,
就毋知係機器量產,抑係手工織出來个。
識在店項問過,比這較細兜仔个,
人工手編个,一隻愛2000個銀,
該下我雖然當想愛,毋過買無出手。
吂知幾下年過後,2/16該下晝去桃園八德好朋友
愛真屋下尞,佢拿出一隻手擐包送我,
當場我歡喜到目汁流下來、正經鼻流鼻串。
一隻手擐包
真情值萬金
有錢買毋着
好友惜入心
佢旋風又貶出一隻珠包仔喊我做下收起來
共樣係咖啡色系个
這種阿莎力[好東西同好朋友分享]个做法,
講正經,我無佢恁大凱。
恁仔細!
親愛个 愛真:
你个情大過天!
哪央時還得清?
文章標籤
全站熱搜
留言列表