170521(日)
臨晝仔老弟一通電話,
𠊎面皮皮仔就跈佢兜講愛去鼻頭角看台灣百合。
會12:00正出發,
先去瑞芳市場[小吃]。
行北濱海公路,
滿山个白色喇叭花盡鬧。
到了鼻頭角停車場,
雨落異勻,
無人想下車去蹶上鼻頭國小,
就在路脣dinˊ一輪,
繼續回南到磅空前一個安到[蝙蝠洞]个位所停腳。
蝙蝠洞無蝠婆仔,
海脣嗄有異多[海蟑螂]喔。
包尾祥哥載大家去三芝。
經過石門个[劉家肉粽],看到店門前
怕有幾下十儕 排長列在該等買粽仔;
石門農會田媽媽、陳家肉粽......共樣有人排隊買粽仔。
這下人無恁煞猛,過年過節百項頭路錢銀做得解決盡利便,
除非想愛食阿姆个味緒。
第一擺來到八連溪生態園區,
看着有機農園,
毋過媸媸無靚个番薯、山藥、甜菜根.....
價數恁貴,實在買毋出手。
這係蝶豆花,後背菜廂種个係吂大个洛神花
一處豪華農舍
賢慧女主人種的鐵砲百合、香水百合......
如夢似幻
虹橋餐飲民宿內的鳶尾花水生植物池畔涼亭
臨暗仔(黃昏)日頭(斜陽)
天弓(彩虹)恁久(持久)
搞影仔遊戲
接長腳(踩高蹺)
恁生趣(好有趣)
續等去三芝遊客中心同名人文物館
源興居
【三芝源興居】千朵百合花盛開風采迷人搖曳生姿 (已連結)
感恩 費甌娜 綺麗世界的分享
轉到北投捷運站脣巷肚食
大碗公麵:
兩份基本款的大麵(一湯一炒)正200箍定定,
裡肚什錦海陸葷素配料全有,
一碗做得兩儕食還當飽。
毋使再過點[小菜],
配菜(小菜)較貴。
三細盤:鹹卵番瓜(鹹蛋南瓜180)、
炆苦瓜(燜苦瓜160)、
蒜頭炒蕒仔(炒A菜80)
總共420個銀。
PS:緊拚拚仔出門無帶着相機,相片係吾老弟同祥哥提供。
這係祥哥整理个,
感謝祥哥導遊,
正有這半日快樂个行程。
恁仔細
承蒙你
留言列表