轉去頭份妹家三日三夜
上拜五暗晡下南轉去
昨暗晡北上轉來
同阿棟叔完成咧90年前(昭和二年發行)鋼板刻字印刷个
【湖光吟社】存稿~題目<消夏>
校正謄寫抄本
感覺異有成就
因爭氣象局發布瑪利亞風搓會在今晡日到天光日中間登陸北台灣
故所緊拚拚仔拚轉來守護台北吾个竇
今晡朝晨無風陣陣仔略略有風馳雨
敢怕係[風雨前的寧靜]
閒閒著等水靴筒擎等遮仔去台銀
當歡喜堵著阿翠 頭擺个同事
兩儕共下去民生東路亞尼克雞卵捲專賣店
食咖啡聊是非,毋係啦!
打嘴鼓分享這恁多年自家生活个點點滴滴
一杯拿鐵110,拜二松山區住民買一送一
一垤起士雞卵糕65個銀
消磨了兩三點鐘
再過去民生公園脣[微熱山丘]
啉冰茶食王梨酥
續等行過富錦街愛轉屋下
歸條路恬肅肅仔無半儕人
除忒咧𠊎兩個閒亍亍个人
係風搓前上班時間?
抑係景氣大不如前?
[紅圈圈]麵包店个胖打9折
講係[颱風價]
哈!
無貼[號外]無人知
結帳算數正[驚喜]
簡單過日仔
時時有快樂
歡喜在心肚
清閒又自在
恁仔細
承蒙你
文章標籤
全站熱搜
留言列表