老景攝於斗煥坪故居庭園一隅
那一晚，嬸嬸醃製的留甘，迄今齒頰留香
上擺去霧峰造叔屋下，厥屋下个油柑樹打子淰淰，佢有先摘下來一部分，伸个留分人客摘。毋過，停跎一下半，嗄無摘着。共下去个棟叔姆講厥屋下該頭高天天个油柑樹一直任佢蹳蹳跌，毋識去停動，我同佢註文，講有閒愛去摘。
包尾苗栗个姑表阿姊先行一步， 阿 姊丈係農業專家，佢跋上樹頂用鋸仔鋸下結子个樹桍，樹下人煞猛摘下來，講總共摘着30零斤。棟叔姆洗淨來分做一包包冷凍起來，愛食時節拿下來自然解凍後，用一滴仔鹽拋拋仔，就做得食咧。 阿棟叔講:「這油柑，又安到【留甘】，苦丟酸藕食過个嘴尾會回甘。」
記得細人時節，賣果子个成時就有賣這滷好个油柑，還有染色到黃黃，
一粒粒黃淰淰个油柑當餳人食。1999年跈秀姝這兜登山界大老好友兜去尼泊爾遶尞該時，頭日在路脣就買咧一銅笐仔（小時候鷹牌煉乳空罐)10箍定定个生油柑子，生津止渴。該央時，問共伴無半儕識這細果子，續下來十空日全全無再過堵着這東西，可見這果樹漸漸仔滅忒咧，大家時行愛食又甜又多水个各種改良水果，無人愛螔𥉌這又細又酸澀个細粒子哩!
吂知，這細粒子也有[翻身]个一日。這下食品科學證實，油柑子係寶。
該日(2015/10/31)我拚轉頭份妹家食夜，好在阿影嫂、阿煥哥好打幫來ten手搣，買大粄圓、青菜來煮，滷味幾件；阿贊又做蔥油餅；阿益烳豬肚四神湯；八儕人連拜吾爸做生日剁个雞盤就無下食，大家食到飽𩜰𩜰，阿叔姆帶來一細包油柑，同我講今年既經摘淨淨咧，另年正通知來收成。可能我現出打爽个樣仔，第二日阿叔姆偷㘝一包油柑分我。
enˊ約好共下去苗栗姑表阿姊个別莊尞，當晝分阿河哥哥請食晝。阿棟叔个倈仔生化博士在美國大學終身教授，一年一擺轉來探望爺哀，做爺哀儕有倈仔千里恁遠坐飛行機轉來食老乳，特歡喜个－－用膝頭愐也知啊。今年吾這叔伯老弟單身一儕轉來兩禮拜，昨晡暗晡又飛轉他鄉做故鄉个美國去咧。叔姆分我个油柑，我留在通霄另日放吾家神牌个位所，無帶轉台北現時戴个處所，註定這包油柑，愛留來慢慢仔噍，定定仔噍綿綿、噍爛爛，吞落胲，營養吾圓身。
該嘴尾留等个回甘味緒，做得分我愐想着叔伯同姑表兄弟姊妹儕，毓琳公派下子孫大家，平常時面對生活煞猛打拚个苦篤酸澀同甜滋清甘。期待另年油柑打結个時節，兄弟姊妹再過來共下食飯啉酒打嘴鼓。
阿景，你愛記得通知你轉屋下个時間哟!
******************************************************************************************************************************************
油柑，西土果，英文名稱Indian Gooseberry，學名為Phyllanthus emblica，別名餘甘子、余甘子、油甘子、滇橄欖或望果，梵文音譯庵摩勒、摩勒落迦，是大戟科( Euphorbiaceae)葉下珠屬( Phyllanthus)植物餘甘子的果實，亦為傳統的中藥。
主要產地分佈於熱帶及亞熱帶地區，是一年生或多年生的草本、灌木或喬木。印度、斯里蘭卡、馬來西亞、菲律賓、南美以及中國大陸的江西、福建、廣東、廣西、貴州、雲南，另外香港和臺灣等地都有種植。
油柑的果實呈黃綠色球型，可生食，吃在口內咀嚼後苦澀酸味，但滿口回甘，所以稱為餘甘。明代（1368∼1644）李時珍所著的《本草綱目》之〈果部第三十一卷，果之三〉記載，「【釋名】餘甘子《唐本》、庵摩落迦果。藏器曰∶《梵書》名庵摩勒，又名摩勒落迦果。其味初食苦澀，良久更甘，故曰餘甘。」
書中又提及，油柑有久服輕身和延年長生之效。據大葉大學藥用植物與保健學系副教授謝文章說，「油柑現被聯合國衛生組織指定為全世界推廣種植的三種保健植物之一」。可見其對人體有重要的功效。
留言列表
