舊曆過年時節,
Peggy全家四儕去馬來西亞抑係麼个島渡假轉來,
送𠊎這對青花瓷貓頭鳥。
講愛𠊎隨時提醒自家,做一個有智慧不囉嗦个人。
高个係老周,係天;矮个係𠊎,係地。
婦人家愛服從老公个意見,毋好自做主張大手大意。
該央時,𠊎無同意厥个講法,
無接受這等路。
10/09
去厥屋下下晝茶,佢又拿出這兩隻貓頭鳥,
勸話𠊎拿轉屋下去相,提醒自家
「話到嘴脣留三分」愛謹言慎行。
這下,𠊎接受厥个祝福。
該日臨暗仔去農園菜廂巡白菜苗个時節,
堵著頭擺共下泅水个朋友,佢邀請暗晡夜去聽
厥哥 台大哲學系教授退休个林義正教授演講。
𠊎興嘟嘟仔去民生活動中心813室聽空大達言社主辦:
【有關言語个故事與哲思】
幸會空大講言語,拈出古例說道理;
反思言語究為何,歸結言忠語恕旨。
~~林義正。
當久無聽著頭擺儒、釋、道各大家有關
[言]同[語]个記載詮釋
湛斗精彩个講演分𠊎个生命注入養份
舊書讀出新意來,大師功力一等慶。
深入淺出語詼諧,惠我良多保安康。
昨晡下晝有同表老弟共下食晝,
兩儕談哆講心肚个[心聲]。
愛[言]----講出自家个主張;
同[語]----回應對方个說明。
[言語]講話系一門「語言哲學」
哲學----愛智之學,學智慧個學問,
係追根究柢个反省个活動。
林教授對【論語 先進】孔門四科講起故事
【說文】:「直言曰言;說難曰語」
佛曰[菩薩];儒稱[君子]
正經个[開悟]係一了百了、無定見。
正名:係麼个身分就講麼个話,做毋得超過自家个本分。
故所,[言]:愛主動看對象來講自家个想法;
[語]:答覆對象愛清楚明白。
舉例 名家公孫龍子「白馬非馬」----
白馬[不等同]馬;
白馬[係屬於]馬。
講到[中國]~時中(持中)之國(國,城邦四圍區域也),
時中,係動態中个平衡。
維持至善區域个境界,達到最好个平衡。
經典中國~文化中國~~政治中國
言語諸型分析:【莊子 寓言】
*有言、無言、正言、不言
*罕言、一言、多言、片言、希言
*知言、失言、與言
*雅言、危言
*慎言、巧言、怨言
*疾言、放言、辟言、廢言
*寓言十九、重言十七、卮言日出、和以天倪
西方曰[哲學];東方稱[道學]
結論:言為心聲(概念、命題、推理、論斷)----
[住],思考、把握;[無住],超越境界。
言語,避免自我指涉(slef reference)而陷入詭論
*言意之辨(符浩與意義之同與異个分析)
*修辭立其誠
「言忠語恕」
詩言志乎辭欲達,古來君子學詩乎
慎言無語非得已,只畏出言壞道了
恁仔細
承蒙
留言列表