阿芳心曲

為咧拿著北市本土母語客家語教學支援工作權，

我卯足全勁，煞猛打拼，就像癲嫲共樣，無日無夜。

昨晡下晝5:00~6:00筆試，就像正式大考共樣，愛驗身分證，還有清場，發下試題，20分過忒，正做得交卷。

因爭前兩暗晡，我就準備編寫教案，故所精神不濟，

下晝引想睡目，包尾盡精彩个瑜琦、冠燁雙姝老師个

教學評量&教學媒體支援个取得，就無好好聽，

結果，轉來編寫教案，愛製作字卡、圖卡、學習單這兜，嗄抓saˊ無路。

無相干，正來請教同學。

一直就驚使用電腦，到這滿就愛有勇氣接受使用電腦个挑戰，係無，就愛退出職場，這係吾老公分我良心个建議。

考試忒，我黏時坐捷運去板橋府中站，到北門街兆華个咖啡簡餐店。

今暗晡黃金客語讀書會个爐主係于芳，佢一看著我就講，我面色青離離，我忍毋得同佢埋怨一千擔。

佢講，你毋使恁辛苦啊!何必呢?

就係哦!自家堪當，自家愛有擔當，既經頭那毛就沉ciim下水咧，就愛洗一個淨俐靚靚个頭正探damˊ起來哩!

加油!伸忒【教案】摎【試教】，我就過關咧哩!

PS:有一個國中八年生共下研習个細阿妹仔，佢中高級認證通過，筆試乜過咧!

毋過，紀清珍校長朝晨上[學校行政與法令規章]時，答覆，不予該[童工]試教，法規上無年齡限制，如此答覆似乎太輕率。基於肯定、鼓勵性質，似可予該生參加試教機會，若通過試教，給予證書，何等榮耀!至於要不要錄用，那是將來學校的權利。比如，咱即使拿到證書了，也要經過徵試合格，才予錄用，若經錄用，今得續任2年。

恁仔細!

承蒙你!