客語讀書會心得
這係舊年，康宏做主席時，黃金客語讀書會，針對
鍾鐵民先生作品討論个書面心得收集。
我這下同佢轉載記錄下來，並分享分有興趣个大自家。
陳康宏心得:
農民文學家、社會運動家—鍾鐵民
他的文學特質，我認為客家特色、鄉土特色、反水庫特色、農民特色等都有，他繼承父親鍾理和的文學特質，在農民文學中著墨甚深，他從小至逝世為止， 一生都居住在笠山下，因而他的山居體驗深刻，因而表現在農民文學上，能夠入木三分，如山城棲地一書，充分表現山居的生活哲學。
他在山城棲地一書，描寫鹹魚、番薯、土狗、木瓜樹下等、都是鄉土文學。除了教書、文學創作等，他也投入反水庫運動，並建立鍾理和紀念館。
擔任美濃愛鄉協進會理事長，投入社區教育及活動、旗美社區大學、環保運動等。而他長年受脊椎之痛，仍投入文學及社會運動，他是從苦難中成長，他繼承父親的農民文學志業，也向文學大師種肇政學習，他大學暑假時，曾到龍潭，向鍾肇政學習寫作。在客家運動的角色，是反水庫運動，在台灣文學的角色，是實實在在的農民文學。
于芳心得:
100.9.22
天霸王
天下第一 人喊霸王
有時發癲 有時發狂
惡人無膽 欺善驚惡
大家共心 霸王投降
菸葉(冤業)
美濃菸樓特出名
條條大路菸葉青
棟棟菸樓有黃金
博士碩士得人驚
奈何時代來變遷
健康觀念已改變
菸葉變做係『冤業』
分人懷念个菸田
陳淑芳心得:
鐵錚錚一條客家好漢，承襲了鍾理和、鍾台妹[郎才女貌]，畢生飽受病痛折磨，卻摧殘不了他對父親愛的傳承與延續......
他育有三女，均漂亮美麗，二女鍾怡燕目前就讀中央客研所博士班，三個女兒卓然有成，已有歸宿。
鍾先生已替他自己寫下極不平凡的一則最美麗傳奇。祝福
在天之靈遠離病痛
2011/8/22隨[北市客家教師協會]，在李純恩社長導覽之下，兩日完成高屏六堆客家文化探訪之旅。頭日臨暗邊仔還在內埔參觀時，李社長[插播]講，鍾鐵民先生今晡日過身咧!
好得第二日照原訂行程，參觀了美濃「鍾理和紀念館」。吂入正堂，經過「文學步道」時節，就會分這座呈現台灣文學歷史見證个用心感動。
這座堪稱「文學園區」个所在二樓，記錄咧完整个戰後台灣作家諸多身影，當然主要呈現了鍾理和先生為著寫作嘔心瀝血个堅持。
在一樓，我看著細鐘鐵民寫分厥爸个家書，代表阿姆同遠在台北松山療養个阿爸報告家中情況，摎愛阿爸毋使省儉愛盡量補充營養，假使錢係有伸，愛買麼个轉屋……短短一張用字簿仔扯下來，用鉛筆寫到正正靓靓个字，印象盡深－－無怪，鍾鐵民註定愛行作家這條路。
台灣文壇上同時躋身「台灣作家」之列个父子檔，除了鍾理和、鍾鐵民，還有麼儕?
我看了厥三、四本書:《四眼和我》、《月光下小鎮》(這兩本係青少年小說)，《余忠雄的春天》、《鍾鐵民集》。想著佢一生人受脊椎病變、肩斜背佝，還恁擔耐堅強生活下去，到底係鍾理和DNA个遺傳，抑係鍾鐵民自家个煞猛打拼呢?
「受苦个人無悲觀个權利」，敢係?
佢將佢從細到大个美濃地區農村樣貌、生活情形用一篇篇小說表現出來，21歲~51歲係厥創造時期。
<清明>這篇分我佩服佢刻畫人性个功力，故事係三兄弟、三子嫂清明掛紙轉大哥歇等老屋个「笑想」(出自《余忠雄的春天》)；<余忠雄的春天>借一高中生的情思提出對當時教育體制的反思；<田園之夏>是「最後一幕農村神話」，描寫農村子弟古進文轉型有希望，農家子弟可以翻身過好日仔，毋會像頭擺硬做生做死乜苦煎煎，過該無出頭天个生活；<約克夏的黃昏>更讓人從幽默詼諧擬人化的一頭種豬(豬哥)敘述下，了解到農村型態與時俱進，文明的巨輪快速向前滾動。生為萬物之靈的我們，能為後代做啥?
至少這位「生於憂患」的鍾鐵民，他為斯土斯民留下諸多寶貴難見的見證。感謝他!願他在天之靈，能庇佑台灣永續長存!
張捷明心得:
一、你覺得鍾鐵民的文學特質是甚麼?(如客家特色、鄉土特色、反水庫特色、農民特色等)
鍾鐵民先生个文學有人講該係鄉土特色，啀認為應該係土地文學。
鐵民先生盡著文人个責任，表現文人个良心、表達生活哲學佬人生个思維，忠實記錄生活、紀錄土地、忠實反映當時所處个環境、所處个時代，隔壁鄰舍、上家下屋、叔婆伯姆總下係主角，垓擔換工、蒔田割禾、強者弱勢冤家打眼拐、項項係題材，鐵民先生个文學，還有一个忒色就係--寫出問題，但無解決問題，算來係寫小說个手法留想像空間， 抑係刻苦環境下形成个逆來順受性格?
二、你最喜歡哪一本著作，為什麼?
每讀一篇鐵民先生介文章， 就像經過無共樣个一生人風霜 啀同阿芳共樣讀了<約克夏的黃昏>、<田園之夏>對身為農家子弟有盡深个感觸: 農業沒落無穩定， 後生人無辦法轉莊下絡食，價值觀混亂， 毋係都市人體會得著个。 <余忠雄的春天>對當時教育體制介批判； <清明>寫出兄弟子嫂个人性，摎普遍存在个分家計較心理。
三、你覺得鍾鐵民在台灣文學或客家運動角色為何?
客家文學有一定个成績，毋過，針對我手寫我口个純客母語文學正愛起步，鐵民先生這輩以上个客家文學前輩雖然無用母語書寫，但係既經打開試探个腳步，鐵民先生文章肚，用盡多客語詞彙，像:莫、蒔田、禾埕、禾頭、塚埔、捏泥卵、駛鐵牛…… 雖然華文雜客語詞有兜仔毋慣，總係留有一息客家線索(客家的蛛絲馬跡)。鄉土文學論戰既經放停，毋過，現代客家內部，對純客家文發展个討論，顛倒裁裁踏踏講毋會煞，支持純客家文个聲音盡多，其實多位大師都表示鼓勵贊成，毋過又驚人看毋識，同時毋看好市場，鼓勵寫又毋鼓勵出版，實在係用自家个手汪(vong/)自家个嘴角，有兜仔矛盾。
100 .9. 18 中央大學客家學院在客家事務局，辦客家文學回顧摎前瞻座談，范文芳教授機智答唱，就明明白白點出：一個創作者，其實愛愁个係有好作品無，毋係愁市場正著，當有一日市場愛純客語文學時節，就驚怕無恁多好作品正慘。范教授介機智答唱，本身就係一個難度盡高介即席創作，純客語文學介發展就愛有這種實力、這種決心，實踐重過理論。
以上已發表於<客家雜誌> 純屬紀錄 不開放回應
恁仔細
承蒙你
留言列表
