每星期二最尾一堂課，一年生个五個小天使盡得人惜恁得人惜，
下課咧，講愛翕相哟，佢兜還會擺pose。
這學期客語加開了[海陸腔]，
感恩學校聘請吳老師來同共下教，
故所[四縣腔]學生無恁多。
上課个品質有較好，
毋會像舊年第一擺教，總係嘶胲另命、不得要領。
毋過，
五年生該選[海陸腔]个學生仔做盡係細倈條仔
上課較無規矩，毋肯惦惦聽，
成時，在隔壁還聽著佢兜吵鬧聲，
感覺當毋好，
因為該兜[牛哥仔]舊年係教个，
仰般恁毋知人我?
尤其，帶頭鬧个魏恩，
佢今年承蒙 吳美成老師指導，通過咧初級認證考試，
正送佢一個細紅包(舊年報名時開个支票)，
10/18打早私下叮嚀交代，[愛做同學个模範]。
希望小朋友通體做得體會政府開[母語教學]个用心，
認真乜歡喜來講客。
當然，阿芳姊乜愛煞猛打拼，分大家喜歡上客語課!
承蒙大家!
恁仔細!
正來尞!
全站熱搜
留言列表
