感恩 現任理事長張宏泰老師安排一系列『客家文章大家寫』分享活動
今晡日首先登場个係
張淑玲先生个1000字左右个散文〈天穿日〉
文情並茂,用字精準,融合傳說同現代个元素,完美之至!
輪到ngaiˇ分享拙作〈台北个天空〉嗄唸到屙膿合滑(連音讀guadˋ)血
溫先生講,妳食長山仔个口水太多哩,自家个客語嗄講無「輪轉」
溫先生个這篇个字墨實在異熟落又烏溜!
恭喜
溫老師本文得2010年北市客委會徵文《北市 墨客》短文組優等獎
台北市辦理今年个國際花展,看台北人仰般看花?
花个家鄉在莊下、圳溝、河壩脣、山頂。大花、細花,紅色、白色,記得冬下頭(秋收以後),割了冬禾,耕田人捼花籽,成半個月就變花海。
看大嫲片个花,無張適(moˇ diongˊ diˇ無意間)會 鼻率 (sud 吸氣的樣子)一大口个氣,歸身輕鬆。五月雪个時節,山頂个桐花當鬧,遠看像雪,近看滿地泥像印好个桐花布,一蕊一蕊飛下地泥,緊印落花布頂。
台北人看花,窗門前花盆弱疾疾吔;去花市看,人工種出來个花,無幾自然,最一衰過(coiˇ go 可憐)个係客人活動个場所,一垤(de 塊)一垤个桐花布,晾在主席台、主席台、報到台,分大家過願(過癮)。
桐花祭辦理四、五年囉,台北人還毋知桐花祭,主辦單位講台北市無桐花樹做毋得辦理,一句話講到你脧脧(zoiˊ zoiˊ 傻楞楞樣)。
台北人還衰過哦!看花無恁該喲!
𪖶
全站熱搜