前幾日仔，我轉去通霄，單淨兩公婆陪等家娘，恁樣單純過仔三、四日，乜已了俐同平靜快樂，雖然天時恁熱。
家娘个精神當好，人也較放開，毋會目刻刻仔、面臭臭仔。佢還有趣味，湊我共下來䌈鹹粽，我還問佢:
[屋下有人過身，敢做得一年中央，做粄䌈粽共樣恁樣過年過節呢?]佢回答講:
[做毋得䌈焿粽，䌈鹹粽無相干。]還叮嚀，毋好分吾老公知，驚怕佢會阻擋，因為佢會擔心老人家忒悿，身體堵毋著。
隔壁个五叔歸屋下人12儕(連同外勞)自助去日本九州遶尞前後五日正轉來。五叔83歲咧，下半身麻痺坐輪椅十過年哩，倈仔、妹仔、心臼有孝，安排旅行，淨三日贌游覽車同運將所費就開忒台幣八萬大零，毋過搞尞到通體歡喜滿足又過願，恁樣就價值咧哩!
人生在世短短幾十年，確實毋使省屎省尿刻薄自家同屋下人，有賺也愛有尞，恁樣正較毋會有[遺憾]咧。毋過，這滿分吾家官舞恁多年實在有悿有𤸁，親像神氣分佢剝淨淨淨淨，伸無幾多氣力摎所費好來遶尞，每儕人堵著个環境，造成無共樣對待自家个方式，這係無比止个，根本也毋使同人比較啊!
就像42年前(民61年)个今晡日7/13，係吾爸辭世个日仔，這日7/13也係吾姆个生日。吾姆乜過身11年咧!這種不幸个待遇，敢做得尋天公爺補償麼个分我呢?半項就詏命毋贏，只有接受命運个安排啊!
頭擺每年一放暑假，我兩子妹，甚至四子妹就擠擠揫在珊珠湖妹家，這滿哀仔無在咧，細人仔也大過恁大哩，自然就無心情行兼來談哆。昨晡暗晡，去珊珠湖食夜，見著大老弟一儕定定，講起阿姆个生日係阿爸个忌日，十分心焦毋好過。難過也過日，好過也過日，既然天公爺恁刻薄我兜，我兜就還較愛增志，愛快樂幸福過日仔，正對得起爺哀養育之恩。
通霄虎頭山滿山遍野盡是構樹，豔紅的漿果引人垂涎，據說收集烹煮製作果醬，挺不錯!
前些日仔，漿果落滿地，被踩踏擠壓到稀巴爛，空氣中瀰漫一股甜膩發酵的果酸味。
晶瑩珊瑚似的爆漿小燈籠高高掛樹上綠葉叢中。
晶瑩珊瑚似的爆漿小燈籠 。
也是群鳥的佳餚美食。
長長交織成蔭的構樹林道，是各式各樣鳥兒的覓食天堂。
留言列表
