妹家爺哀既經做仙過背已久咧!
爺仔四十零年前就過身咧,哀仔兩腳一伸直也十一年過忒咧。
頭擺無已多知仔,就這兩年較無轉妹家去,結果越來越冷疏,
連尞過年四姊妹就無會面,避暑兩個月乜無聲無氣過忒咧!
好得台南老妹个倈仔愛轉去印尼工作,打幫佢坐飛行機之便,前一暗晡相約在林口老弟屋下。
老弟安排一家海鮮buffet店仔,大家食到飽𩜰𩜰仔。
該暗晡,頭份大老弟歸家先轉去;第二朝晨,細老弟心臼送機,我跈等厥車轉台北。
頭擺,哀仔還在,吾兩子妹細人仔還細時節,
一放尞就擠擠揫阿姆前賴在妹家个狀況既經無咧!
2014年,四姊妹聚少離多,四儕三個退休咧伸一個大老弟還無閒直掣、疲爬極蹶定定。
仰般做下還恁顧一家一務,一抹煞無抽間相見面呢?
文章標籤
全站熱搜
留言列表