阿芳心曲

昨晡日臨晝邊仔日頭當烈正出門               昨天10:30左右炎陽高照才出門

感恩利便二高當晝就到了鹿谷                  感謝便捷二高中午就到了鹿谷

阿雪大哥泡好茶                                   阿雪大哥泡茶招待

阿三餐廳食飽晝又食茶、買茶米               阿三餐廳午飯後喝了茶也買了茶葉

兩儕去麒麟潭脣賞桐花                          兩人到麒麟潭畔賞螢

歸禮拜寒着無神氣                                整個星期感冒了無精打采的

行忒短短个路無半儕就enˊ兩儕                走完短短路程沒遇見別人只咱倆人 

暫時擲吾老周兩子哀在潭脣棚下               暫時遠離我老公母子倆在潭邊亭下

這係一段當靚个幸福時節                        這是一段美妙的幸福時光

 油桐花樹下

日時頭

白雪雪个油桐花

鬧煎煎滿樹頂

花樹下

兩儕比比講毋煞

天南地北綹麵線

講到嘴角全係波

暗晡頭

火焰蟲來照路

一盞一盞細燈籠

閃閃熾熾恁餳人

無可能留下過夜

火金姑啊無稀罕

今這下比我細人時節還較多

雖然無按算總係看着今年个五月雪             雖沒臨時起意總是看到當季的五月雪

就在阿雪个故鄉                                    就在阿雪个故鄉

海拔800公尺个茶鄉                               海拔800公尺的凍頂山下

食茶食到歸肚飽暗晡睡無落覺                    喝茶試飲滿腹整夜亢奮難入眠

7斤茶米勒等轉屋下                                 7斤茶葉抱回家

雖然翕个相片無已靚                              雖然照得照片不頂美

單淨記錄105年5月初9                           唯記錄105年5月9日

我同阿雪識行過油桐樹下                         我跟阿雪曾走過油桐花樹下

講起再仰般乜轉毋去个青春                      說起再如何也回不去的年少