阿芳心曲

這拜一下晝妹仔轉來台北開會兩點鐘，講愛去剪頭那毛，續等同朋友食夜，愛10點正轉屋下。拜六暗晡正轉來，禮拜日歸日避在間肚，好得燉个兩帖加味四物雞，分做兩餐佢有煞猛食落去。拜一再過烳一鑊四神，佢無食半滴，特別裝兩份放在冷凍庫，連昨晡日个四物仔總下三份，拜二昨晡朝晨愛佢帶去，佢當無歡喜同𠊎講:

「講了不知多少次了，您就是聽不懂。我已裝了兩個飯盒，就夠了，不要再其他的。」

「沒關係!不想帶也不要緊，留下我自己吃。」𠊎恁仔應佢。

「我真得很不喜歡帶這些有的沒有的。吃您做的東西也是壓力好嗎?」

「我只是......」𠊎毋知愛仰般接厥話，毋過這下正經有認真聽厥个心肚話，乜有了解著厥个無奈何，包尾佢單淨拿一份四神定定。

分人東西，愛人有需要个；係單方面強逼對方接受你單方面認為對佢好个，無一定佢就歡喜啊。無怪妹仔輒常批論𠊎「愛掌控，喜歡別人照您的意見做」，係講佢「照單全收」，𠊎就歡喜滿足，無就憂頭結面，阿姆哀啊!親像妹仔講个，這係「以愛為名的情緒勒索」。

佢，拜一去剪頭那毛；𠊎，拜二去電頭那毛。兩子哀共下改頭換面，換一個好心情。

********************************************************************************** 

木芙蓉花心淡黃(山芙蓉:花心一圈紅色)

目前台灣園藝木芙蓉有三種:

1.木芙蓉:單瓣，五瓣，花心淡黃。

2.重瓣芙蓉:複瓣，上午初開粉紅色，凋謝時紫紅色。

3.醉芙蓉:複瓣，初開白色，逐漸轉粉紅，凋謝為紅紫色。