close
上禮拜日5/26起事个歸禮拜,
因為部落格相簿額度已淰,
故所無來打理,過咧異輕鬆。
我煞煞同黃娟个【楊梅三步曲】讀忒,
【楊梅三部曲】
1.【歷史的腳印】:日本殖民統治(出生到少年期)
2.【寒蟬】:國民黨戒嚴專治(少年到青年時期)
3.【落土番薯】:思國懷鄉的旅美生活:(成年到現在)
採取獨立短篇聯綴式的寫作
「忠實於自己的風格,觀察人生的機微,已到爐火純青的地步。」
「她的文章一貫地都帶有細膩溫馨的感人力量,洋溢於字裡行間的那份親切永遠不失溫婉的味道。」
老實講頭本【歷史个腳跡】盡餳我看;第二本【寒蟬】罔罔仔翻過;
末本【落土番薯】讀着恁多佢在米國看台灣解嚴後
[鄭南榕自焚]、[林義雄滅門]、[六四天安門]......个感受,
我試着心情重鈂鈂無想愛再過愐起頭擺[歷史个傷悲],
這種老狗屎我真想愛添放忒,無想愛再過想起。
台灣人[無根]个命運,接下來愛仰般行出一條生路呢?
黃娟緊提醒讀者這【楊梅三部曲】毋係[政治小說],
尤其第三部對於KMT控訴當多,講這毋係政治小說,
該麼个正係政治小說呢?
昨暗晡同小古 、阿賴、小芬在屋脣个
【阿成鵝肉店】暗餐,
簡單一盤燻鵝肉(650箍)同一細碗下水湯、
兩項青菜、涼拌豆腐、豬血糕、炆筍乾,總聚1315個銀。
我拿【楊梅三部曲】分阿賴看。
今晡日愛參加【2019客家文化研習營】
6/1室內場 座談會,
又係新隻月个開始。
千萬要記得:
照顧好自家身心靈,
其他莫插莫煩勞。
恁仔細
承蒙
文章標籤
全站熱搜
留言列表