2019/07/19(五)
打早去農園巡一下, 割了蕃薯葉同馬齒莧。
還除忒人行道上个雜草 ,過清除公眾垃圾。
恁樣就歸身大汗,花了成點鐘邊仔。洗身了後鬆爽歡喜,毋過食飽朝嗄想愛睡目。
在胖椅lim一下目,愐起國學會這隻月徵課題「拼經濟」mang寫,煞煞勉強自家精神起來。
食飽晝還看一齣MOD喜劇電影(片名強強毋記得),正繼續工作,儘採撇了三首七絕,就mail交出去。
既經下晝4:10,輒輒收qiu屋下,煞煞出門到松山車頭4:58,做得坐5:13海線區間快車,毋使盤車異了俐。
行過中壢、湖口,看窗門外臨暗仔个日頭,親像一粒又大又圓又紅啾啾个鹹卵仁,打爽一下仔分屋舍抵著,一下仔就日頭沉入海咧!
轉屋下个心情係歡喜个。
「栗喉蜂虎,原產地在菲律賓,每年四月飛到金門繁殖,約十月份飛返菲律賓。牠的飛行速度很快,如同燕子。最喜歡吃蜜蜂,蝶,蛾。」阿燿老師說。
來欣賞阿燿先生个作品:
天時翕熱,汗流脈落,汗水跌落目珠个酸藕艱苦,當過个人正知得其中味緒啊!
文章標籤
全站熱搜
留言列表