close
11/4瑜珈班阿月先生生日,
同學全來恭祝,印象乜係高雄詩大个校慶。
11/5頭份學弟阿忠牯講,
佢做阿公咧!
傳一張嬰兒仔頭好壯壯个相片過來,
分我十分歆羨~~
問我【桓(華語音環)】客語愛仰般讀?
桓,客語讀fanˇ,音同[返]、[煩],[凡]。
哈~~阿煩仔,真得人惜个阿桓仔!
該我也升格做姨婆咧!
朝晨,本旦想去菜園看新種个蕒仔(萵苣)有分鳥仔啄淨淨無?
毋過,屎胐(屁股)生根懶停動,
淨在屋下變怪,搞了兩細盆草:
黃鵪菜(做得食)同斑葉蘭。
日仔年視年、月過月、日過日恬恬仔消忒,
自家安頓好自家身心靈,
天天(逍遙自在的意思)過日,
康健快樂無愁慮。
感恩 感謝
祝福大家
全站熱搜
留言列表