阿芳心曲

明仔載是處暑節氣ê開始...

逐年佇新曆8/22 抑8/23 .日過黃經150 度.節氣排第14 .

1.處暑著是熱氣漸消.毋過佇臺灣天氣抑真熱...

新曆6 月至10 月抑是臺灣風颱期...

9 月10 月ê 風颱俗稱: " 秋颱'' 有時威力強.破壞力閣較嚴重.

毋遮有: '' 九月颱無人知'' ?

愛注意山林綠化水土保持.遮袂造成塗石流.水崩山.

2.即時果子: 西瓜.旺梨.火龍果.釋迦.

東部金針花( 光復.玉里.初鹿.太麻里. 是主產地.)

野薑花俗稱: ( 埔薑花抑蝶仔花 ) .當時媠.花白.粉紅.即時虱目仔上肥...

3.咱人七月普渡為啥物盛大?

因先民冒險來台開墾.死tī海難.兵災.械鬥.番害.瘟疫等等不計其數.

古早民風未開.人口少.四界荒野陰氣重.普渡求平安.

4.處暑諺語:'' 早冬看清明.慢冬看處暑.'' 
''處暑過播無田稅''

 
即時咱人7 月尾.應該挽草頭擺完.

假使連田攏抑袂播.著綴袂著節...

收成就無好.當然嘛無夠繳田租( 稅 ).

閣講: '' 毋驚七月半鬼.只驚七月半水'' 驚風颱.做大水.

古早唐山來臺灣...
''十來.六死.三留.一回頭'' .

今(tann ) 今仔日atoppro ( kan-lo̍k ) ...著講到遮...

祝逐家平安順序康健...

下擺再會.pai-pai !