close
酷酷貓,體重5.3公斤。
這是11/1所拍的,個把月過去了,近日沒見著這可愛的父子檔晨間來公園散步。
當這小兄弟才初生不久,約一、兩個月大時,他爸就推他來公園散步,直到現在週歲又七八個月大。
我們就是被這些小朋友追著變老的。
小孩拍拍胸脯說 : 怕怕!
人間最美是天真的童顏
早睡早起已成了我的生活模式。晚間約9點至10點上下就是我的上床時間。
這禮拜係我朝晨頭[達摩氣功]个當值星期,拜一到拜六,逐日朝晨5:50開始做一點鐘个體操。[值日生]愛負責拿簡易型音樂播放器。結果,拜一我就赴毋掣,因為鬧鐘仔無調好勢,睡過橫咧!好得這三日來無再過落潰,無就敗勢死哦。續下來,天光日、後日還有兩日好表現,愛好好把握。
今晡朝晨,打掃公園个阿哥(其實正48歲定定)講佢三點零、天還吂光,就來拚掃,因為三隻月一擺公管處會來檢查。平常時,偷懶愛做無愛做个樣仔,已得人惱!這兩三隻月來,每日三四點邊仔,有一位50空歲个阿哥自動同佢𢯭ten掃好地泥正運動,佢嗄涼涼做輕可啊!就有人面皮恁賁,正經輸佢一百分。
我日日朝晨做咧一、兩點鐘个運動,感覺身體改善當多。[睡畀飽飽輒運動,食百二行路有風。]確實有影。昨晡下晝去頭擺同事个屋下,拿佢送我个一隻印仔。係另一位同事刻个四隻字个方印【阿芳長壽】,講麼个愛慶祝我60歲[生日快樂]。啊!我敢有恁老啊?我這下正有一滴仔正經為自家過日仔个感覺,仰般就有恁多歲數咧?盼望我同好友們大家就愛康健到老、享受生活。
文章標籤
全站熱搜
留言列表