close
美人樹頂恬恬開，
無歡喜也無悲傷。
行過花樹下，
敨一下大氣。
啾紅个果子，
雪白个黃梔花，
笑我㘔飽忒閒。
漢武帝喊人玉露盤收集天露，
佢乜無長生不老。
長眉尊者安然自在，
自然長生不老。
孔丘老爺敢係炎黃子孫个心靈導師?
漢武帝獨尊儒術罷黜百家，
為著好來統治國家。
這下溫良恭儉讓个領導者，
無能同台灣帶領到較豐足个所在。
這正經分細老百姓我有一息仔愁慮。
愁也無漦用，
日頭共樣赤焰焰，
隨人顧性命。
行啊行，
幾久無行這條恁塞个路?
好得寒天蚊仔蟲仔少，
恁久又無落雨 ，
路當好行。
下崎愛慢慢徙步，
正毋會有危險。
又行出來咧 。
玉盤接天露
為著帝王長生
祈求
天公爺遽遽普降甘霖，
係無，
明年耕田人就會做事毋得哩!
回頭望啊望該下行來个路，
下二擺再過來?
陂塘个番鴨公同白毛鴨，
無愁無慮水中泅。
2015-01-03朝晨，
行咧無一點鐘，
恁樣就過願哩。
包尾去星巴克過一餐:
恁樣過日仔，
我乜當歡喜。
承蒙你
恁仔細
文章標籤
全站熱搜
留言列表
