前日拜六坐早班山線自強號下南，直直到新竹站8：21邊仔上車盡多人，歸車淰淰，好得下一站竹南𠊎就愛下車咧。阿彌陀佛!
想起拜四該下晝去主題公園聽張美煜教授講演，台灣人不可不讀个好書吳濁流自傳性的台灣三部曲：亞細亞的孤兒、無花果、台灣連翹。
佩服張教授的學問，佢讀恁多書過加整理的檔案同enˊ北市客家婦女協會个姊妹分享，親像理事長范金玉校長講个，「張先生讀書分enˊ這兜無讀書个人聽」，正經係。𠊎幾下年前有讀過吳濁流个【台灣三部曲】又安到【孤帆三部曲】。毋過，聽專家學者湛斗个講演實在係最大个性靈享受。
三點鐘聽講演後，分錦娥姊請食暗餐，
在主題公園个甘家客家餐廳食粄圓，
雞盤、炒肉、薑絲大腸、炒番薯葉，
炒米粉、炒大麵。
食飽夜，共下去松菸文創區聽
2017北市客家音樂發表會
【山歌，再唱】
創新客家爵士歌謠專輯發表會
音樂總監:范宗沛
演唱者:官靈芝、謝宇威、湯宇歆
楊淑喻、龔心怡、吳宗翰
𠊎緊聽緊用平板做筆記，嗄毋知愛仰般檔案分享，比論今晡朝晨緊拚拚仔趕坐火車又毋記得帶著目鏡，上咧火車，愛登錄平板嗄入毋去，還拜託隔壁坐的後生細阿妹仔同我看手機頂項顯示的密碼，係無根本無法度上網，恁仔細!台灣盡靚的風景就係人，大人細子做下恁得人惜。
上擺下南坐區間車，感覺宕忒多時間，一擺就喊毋敢，這擺甘願在竹南接海線區間車咧，天時變寒，著忒多衫顛倒汗流脈落。
轉屋下，無一時閒，烳爌肉、煮[茶葉蛋]，拜日妹仔轉來歇一夜，朝晨𠊎兩公婆同家娘先送佢去苗栗上班正轉台北來。暗晡夜講台大咖啡館有林生祥演唱會，𠊎乜想愛去聽。
你講，𠊎个生活有暢樂無?
感恩 美香姊當晚即席製作勁歌熱舞
謹祝
農曆11月初一(12/18)
國曆12/22冬節(農11月初五)
12/24耶誕夜
喜樂平安
PS:
週六已用果汁機打糯米漿，搓了湯圓也吃了湯圓。
冬節(冬至)，俗稱[小過年]，
吃了湯圓又長一歲了。
哈哈!
誰怕誰?
只要心不老，天又奈我何?
留言列表
