阿芳心曲

二十四節氣: 寒露講解...

逐年佇新曆10/8 抑10/9 .日過黃經195 度.節氣排第十七.

1.天氣漸轉冷.天氣涼未寒.露水增加.草木漸焦.秋意深.俗語: 露氣漸寒.將欲凝結.透早手摸草葉.樹葉結有露珠.以手摸之真冷.咱人對八月起風向已經轉東北季風.為啥新竹九降風特別強?臺灣東北爿有大雪山山脈一段大斷層kah 中央山脈中間有一大段缺口( 喙口 ) 大風對東北.西南走向ê 山谷.吹入頭前溪河谷.灰面鷲( 南路鷹 ) .對北方飛來恆春半島過境.歇睏兩工仔.koh 南飛去過冬.俗語講: 古早若飛來到八卦山...南路鷹來一萬.死八千.

2.慢冬稻熟逐家歡喜欲收割.古早攏曝佇埕.毋遮有俗語講:''  年冬若好收.查某人著勼( kiu) 跤兼洗手''.工課短koh緊.量著減少.現代毋免曝囉...直接送米絞焦燥.輕鬆濟囉!這時圓koh大ê紅白柚熟啊!佇南部曝紅蔥頭.蒜仔.koh有恆春保力ê 蔥頭...是世界好食--e'' !

3.咱人九月九.月九.日九.九是陽數上大者.謂: 重陽.愛peh 懸山強身.重陽節秋祭.祭祖.春清明做總忌...

4.'' 春冬蔭雨.慢冬蔭露'' --- 春冬雨水愛充足.稻仔菜蔬才生得好.慢冬露水愛凝重.稻仔菜蔬才ê生得好啊!慶豐年...
'' 閣有寒露麥.霜降豆'' --- ''麥仔佇寒露過.塗豆愛佇霜降後''收成才會好味!
古早人佇深秋有:" 掠毛蟹.看芒花.品淳酒.賞菊花'' ...

今...今仔日atoppro ( kan-lo̍k ) 著講到遮...疫情關係.祝逐家平安順序...再會!

***********

三變美人:木芙蓉&山芙蓉

感恩

祝福