這擺个細貴賓係于芳个倈仔[尪牯]
乖乖一儕在該畫圖寫字，係聰明即靈个[左撇子]
承蒙阿柑姊翕相
結束了，我又毋記得帶走水壺，害兆華隊下樓拿分我。恁仔細!
結果9:30分結束，
捷明哥載到府中捷運站，劉楨、康宏、我三儕坐捷運板南線到善導寺，
我轉到屋下吂10:30。
親愛的讀書會朋友們:大家好
每月份一度的客語讀書會即將開始,懷著興奮的心情,邀請大家來吃飯,討論讀書心得----相信是充滿了理性與感性的一夜;我目前的工作<1:30分>就下班,閒閒的朋友也可以提早來......
若是搭車的話,大眾捷運板橋車站下車,改搭公車310或307,大庭新村站下車就到了;若是開車可以停在大庭新村地下停車場,每小時20元,走過來大約5分鐘;交通的所有問題,兆華stand by家中支援, 歡迎大駕光臨
多謝 兆華个邀請帖。佢个[黃金咖啡屋]既經結束營業，故所愛去厥屋下食夜。
多謝 兆華&柑姊歸桌客家名菜。大家食到飽𩜰bid bid仔，輪流打嘴鼓，這就係暢樂人生!
我本成想臨晝仔就出門，下晝正去板橋兆華屋下。吂知，在自家屋下東摸西扯過下晝四點。心肝肚想:就坐307公車，直接到目地。唉哟!阿姆哀!足足坐了兩點零鐘正到。朋友歸下笑我大戇嫲，于芳講，高雄到板橋乜毋使兩點鐘。哈哈!人生第一擺坐一輪公車，坐到尿出無結煞。
詐講[讀書會]个名義，其實最餳人个係這團體好朋友个感情，一個月見一擺面，食暗餐摎譫哆，哦!其實我需要个無多，我最愛同相知相惜个老嫩大細共下交流。
我無借到這本書，去到兆華屋下正翻翻這本書，大體了解這本書講麼个。
書目:《活出工作的意義》——利用7大原則,尋出生命與工作个價值。
作者:愛力克斯˙佩塔可斯博士，陳筱宛譯，城邦出版集團2009年9月出版。
主席:王兆華
討論題綱
1.請問你從來有沒有想過所謂人性化工作的意義?(39頁)
2.如何為你的生活與工作定義?(233頁)
3.你在任何時間`任何地點`找到意義嗎?(133頁)
4.其他......
逐儕就有實現追求意義个意志。生命个價值感，可能受原生家庭、社會環境形塑而成；生命&工作个意義感，嗄主要係個人个發現。每儕做得用自信做開始，暢樂做構成，用愛為中心目標，大體會【樂在工作】、【向生活講Yes!】
莫到苦難、失敗時節正想到生活&工作个意義；連[乞食仔]就有佢兜工作个意義。
盡心盡力做工作，無一定愛十全十美，接受人生缺憾个圓滿。欣賞摎接受自家同他人个做事，相信自家係一個有價值个人。
天下吾白齕个飯餐!想愛過麼个生活，就頭漀漀仔莫想恁多，做了就著!
祝福大家
週末喜樂日日樂活
留言列表
