阿芳心曲

昨暗晡，妹仔下班轉來，問講，

佢網購送分我結婚週年个微波爐送來吂?

「吂有！」我回答。

「仰恁仔？等三日咧！」佢譴眵眵仔，又講:

「今晡日這款个又落價了！我愛退前貨，再過定這下落價个，麼人喊佢恁無信用，『逾時不候』啊！」

今晡朝晨，果不其然先送來一台室內踩腳運動機，厥爸扡著(iaˋ doˋ以為)係微波爐，「哦！仰恁大台？」經我澄清，正明白妹仔毋單淨註文一台微波爐定定。

過無十分鐘，「叮咚！」門鈴又響起，這下微波爐正經送來了！朝晨妹仔出門前既經交代，做毋得收，害我同吾老公說明半日，佢講毋昏醒，還打手機同妹仔確認，斷真哟！做毋得收。

「恁落雨天，為著自家省幾百個銀，喊送貨个人行上行下，還淋到歸身溼答答！」佢自家念分自家聽，我詐無聽著。

老公有老公个愐法，妹仔有妹仔个堅持。

逐儕个need無共樣啊！

毋過，我這做哀仔个愐起，昨暗晡暗餐時節。我已經食飽了，在脣項聽佢兩子爺打嘴鼓，心肝也淰淰个醹醹个燒暖——這就安到「幸福」。

以下 分享一篇好友 堂子个大作<need>