close
最近飲食、睡目無異正常。
逐朝晨睡醒以後，還搵在眠牀項，毋煞煞䟘起來出門去運動，故所身體就恁樣越來越搣壞，自家害自家，仰會恁憨痴？成時我乜當無了解自家，到底仰恁[合鬼毋相同]？
上禮拜四、五就開始無閒淬杈，尤其拜五下晝在台大醫學院醫事技能中心做志工演出，該台大醫院冷氣特強，可能就恁樣寒著了!續等拜六歸日糾在屋下刻耐仔校稿，拜日又還恁搶光去參加姐婆該片親戚个會面。
該鳳英姑姑特別叮嚀，毋好接近大病初癒个正文哥哥，害我當敗勢，應當愛較自重兜仔，發病就愛乖乖囥間角，毋好出門搣衰人。
吾老公摎我按摩捉筋頭，痛到我噦噦喊，毋過係有較鬆爽了；嗄輪著佢也無華麗了！敢係風信毋好？無這回事完全就係自家造成个。「屙屎毋出怨豬嫲，讀書毋識怪爺哀」，無恁仔个道理个。
暗晡夜，雖然目珠痠軟、鼻公，還係睡毋落覺啊！
全站熱搜
留言列表
