阿芳心曲

先前約100坪斜地

花忒賴、楊兩位40日人工改地開墾

這下   花香滿坪

蜀葵(一丈紅)怕種有10種多

蝶戀花

美人蕉經一日雨打風摧已變形

這蕊紅&黃合做下   DNA神奇不已

從屋下挷花秧來種

蛞螺仔來加油

林為剛移植過來个榕樹造型設計

七里香正種落去

早來種  暗也來種  種到恁歡喜

臨暗時節無日頭較好做事

天時漸漸暗下來  還拚事哦

舊曆七月12  月光大又圓

會8:00咧  還在鈎水溝壢(水路)

明天再見

       這星期一正認識吾[祕密花園]个園主

       賴先生

       佢摎市府申請認養公園地來開墾種花

       兩、三年間旣經滿園花開花香餳人

       我加入劈草改地个工作

       第三日手巴掌就起水瘭咧哩

       害我嗄驚一下

       七月半到咧

       我還想轉去手粽仔拜阿公婆、拜好兄弟這兜有該無該

       手係爛空  

       做起家務事百項無利便啊

       故所

       今晡朝晨推懶無再去改地開墾

       心肝肚當想愛完成這項事情

      毋過

      腰骨乜有一息仔酸軟痛

      恁久無震動个手腳

      斯無恁胲習慣這兜田事

      你愛知

      初下碼手擎小钁頭盡命牯拂落去

      額頭頂个汗流過目珠皮

      也無抽間去捽

       歸背囊汗流脈落[汗]汁灆泔

      成時細泥粉還會彈入若目珠肚

      這正知

      耕田儕个艱苦哦

      打幫賴、王、林、楊這幾位[婦人家个細妹朋友]

      分有恁難得个機會

      做得共下來創造一座細妹人个香格里拉