昨晡臨暗仔
看著正新種个花草燥兮兮
阿賴去新竹分厥老妹請【大豬】
佢電話交代有閒去淋水
佢單淨留三桶塑膠水
仰般罅淋恁多正種个花?
好得楊小姐有來
佢示範教擐兩隻小水桶行去河灞脣打水
聽話照做
汗流脈絡乜感覺身心鬆爽
今晡朝晨7:00空仔就來欣賞
昨必目个花
今必全部開靚靚摎頷頷頭承蒙
[毋使客氣]吾心肝肚當暢
頭擺正一種吊菜紅色个
這下當多色 花蕊有單瓣&複瓣
看咧出地泥吂燥
下背四張係【馬齒莧】花
高毛靚~一蕊有兩色
單純絕美
小家碧玉
燦爛舒展
國色天香
花開富貴
綿延不絕
松葉長青
蜂也徘徊
大富大貴
大家閨秀
醉在花心
全站熱搜