阿芳心曲

三輪車，走得遽giagˋ，

頂高坐個老阿婆，

愛五角啊分一箍kieuˊ，

你講怪奇毋怪奇?

嘿!一息仔就毋怪奇，

佢係一個好額人hoˋ  ngiagˋ  nginˇ(有錢人)，

愛康健啊愛快樂，

正安到幸福个好額人。

利用童謠兒歌<三輪車>个旋律，進行即興的生命教育。感覺很棒!

**********************************************************

今晡日當晝舉行校內母語朗讀比賽:

今年  阿強主任特別邀請302班導  林先生共下來做評判。

單淨四、五年生做得參賽，正一篇文章定定，準備了幾下隻月，

結果唸到二二六六，好壞天差地別。

四年生个學生仔已聽話，九儕全部上場參加，毋過其中四儕驚到聲音全無出來，哦!做先生个我做毋得天真樂觀認為:

學生仔定著會照你个指導，達成你个期望。經過了這兩年个經驗，愛有相當个認知~~~~

隨緣順勢、因勢利導，凡事絕對毋使強逼，尤其學生仔。厥爺哀同學校个先生就無特別要求佢愛仰般表現，你係一個客語先生，一星期正一堂課定定，何苦要求佢愛有仰仔湛斗个表現呢?

朝晨第一節五年生上課時節，我正知一個最優秀个細阿哥仔無報名參加比賽，該央時心肝肚一扒火閼到會死，包尾愐愐啊，毋使為著這鼻屎恁細个事情來發譴，自家圓身愛自家顧，[爆肝]係自家造成个，根本[划毋來]啊!

我認真來傳授客家語同客家文化个教學，在這課程進行底肚，做對个事，分學生仔對講客家話有趣味，佢肯來學客家話，就愛當歡喜。

恁仔細!承蒙你!

選手各就各位，阿強主任好整以閒準備就緒。

底下笑嘻嘻，待會兒上台卻嚇得兩腿發軟、音聲變啞。

海陸腔 吳老師 & 四縣腔  林老師、(阿芳)當評判。主任記時。

感謝 吳老師精闢的講評。

1.客語特有个入聲字尾音的[急收藏]，愛唸出來。

2.嘴型會影響發音正確無。

3.態度決定一切。既然有這上台个機會，就愛全力以赴。

 堵好下晝第一節係三年生个課，佢兜十四儕做盡在教室後背旁觀同旁聽。毋過，包尾我問一個細阿妹仔:

[聽仔識無?]佢搖頭講:

[做下聽無識。]聽、說、讀......最起碼个[聽]，就係鴨仔聽雷，該[客語學習]這滿事還正經愛加強，客語先生愛加油!