這係無同世面項共樣个紅粄、艾粄。
該日,阿明哥問我,佢正對苗栗轉來,買有[苗栗个紅粄、艾粄]。問我想愛試食仔無?我同佢謝絕,因為費氣啦,仃dangˇ工帶上來分我,麻煩啦。毋過,等臨暗仔佢愛出門之前,又打電話來講,機會難得,這係無包餡个粄仔。我聽著佢恁誠意分享个心,喊佢帶一息仔就好。
吂知,一隻紅粄斤三重,一垤de艾粄半斤較重,做盡無包餡个,我食到恁多歲,還毋知苗栗个艾粄同紅粄恁奇考。
愛恁仔講正著,傳統頭擺个紅粄、艾粄就係原味恁樣个樣相;這下人重口味,紅粄、艾粄全部做成菜包樣式,鹹、甜各式个餡料隨人變化。所以,有甜甜个皮包等鹹蘿蔔絲豬肉這兜餡个菜包、紅粄。
1.純糯米&蓬萊米漿蒸製的[苗栗紅粄],一個一斤三兩重。上面印紅龜狀而已。
2.對切的橫剖面,可見沒餡,也沒鹹、沒甜;只有米香原汁原味。
3.艾粄:微甜的攙有艾草,純糯米蒸製而成的。
阿明哥交代:
紅粄,切片沾鹽水,兩面煎黃,非常有古早味。
艾粄,蒸或煎、炸來吃,或乾吃也行。
4.5.這平底鍋煎的紅粄,可引起您的食欲?
6.黏不拉嘰的艾粄,遇熱就很容易黏在一起。
根據吾妹仔同我偷講:
昨晡朝晨吾老公𢯭ten手煎這粄仔時節,緊煎緊罵,因爭黏黏蝤蝤轉圜毋得,害佢當閼。
敗勢哟!
煎該兩盤~~~~各半個,吾兩公婆食兩餐~~~~食朝同食晝,糯米盡飽氣哦!
承蒙阿明哥恁相惜个分享,分我大開眼界,食著恁傳統个古早味。
也承蒙你耐心看我个打胖pang嘴。
恁仔細
文章標籤
全站熱搜
留言列表