加羅林魚木
2016/04/30(六)
上禮拜六打早坐6:05莒光號火車 上星期六一早搭6:05莒光號
轉到通霄屋下正9:00點零 回到通霄才九點多鐘
家娘興嘟嘟仔同𠊎問: 婆婆興致勃勃問道:
昨晡日仰無轉來看熱鬧 昨天媽祖生怎麼沒回來看熱鬧?
原來通霄慈惠堂有迎媽祖活動 原來通霄媽祖廟有舉辦迎媽祖回鑾活動
街路家家戶戶愛準備[飯擔]分人食 街上人家每戶要準備飯菜供人食用
吾家娘除忒拜三牲還燜糯飯斗零 我婆婆除了用三牲祭拜還自行煮了一斗多油飯
雖然大半頭路係吾老公做 雖然大部分工作都由我先生負擔
毋過老人家做一滴仔灶下事頭就面紅濟炸 不過88老嫗幹一點廚房活兒就面紅耳赤
第二日還緊呻頸根酸軟堵毋著 次日仍一直呻吟說脖子酸疼受不了
嗄忍毋核厥个歡喜淰淰 卻也忍不住她滿心的歡喜
這種誠心个[有信有保庇]分人感動 這種虔誠的[有相信有保佑]令人動容
感謝感恩吾老公[今生有修倈仔準做心臼] 感謝感恩我老公[今生有修兒子當作兒媳]
續等下晝吾老公還載 𠊎去頭屋朳仔崗 接著下午老公載我去頭屋象山書院
聽客語界大腳士靚妹仔 彭瑞珠先生講演 聽客語佼佼者一位水姑娘 彭瑞珠老師演講
佢係104年教育部閩客文學獎得獎者 她是104年教育部閩客文學獎散文組得獎者
聽佢兩點鐘一等精彩个寫作分享 聽她兩個鐘精彩絕倫个寫作分 享
係難得个視聽多元享受 是不可多得的視聽多重饗宴
該暗晡妹仔也轉來共下打嘴鼓 那晚女兒也回來一起聊天話家常
感謝感恩媽仔娘還有阿公婆恁多神个庇蔭 感謝感恩媽祖娘還有祖先們眾神保佑
家庭和捼社會進步大家平安 家庭和樂社會進步大家平安
恁仔細
承蒙大家
留言列表