客家人安到【正月半】，有人安到【上元節】、【元夕】、【燈節】，細人仔擎燈籠、揣令仔(猜謎語)，過年歡樂至此，之後一切回歸如常，所以又稱【小過年】。客家傳統習俗 : 第二日正月十六係掛紙(掃墓)，毋過現下因應子孫上班上學，多改為清明前个週休二日之一去掛紙。
過咧正月半正安到過忒年。年年過年，年年康健又快樂 ? 該斯無定著哟!我總感覺年視年吾个體力大不如前，過咧耳順還有麼个好同人計較个 ? 一腳踏入棺材肚咧，修好心田修好嘴正著。好食毋好食，好講毋好講，做盡愛有準則。吾家娘前日還話我:[恁多歲數咧，講話毋好忒緊。]喊我愛改性仔，毋好執性傷人又不利自家。
這兜道理全全知，確實做着也可以，有決心洗心革面，就做得放下屠刀馬上成佛。我乜無心性同無氣力講三道四，自家身體就險險橫忒，仰會有閒講別人? 「伯勞嫲，嘴哇哇，有嘴講別人，無嘴講自家。」會教學生仔，也愛自己講着做着。
2016/2/20星期六補班，愛上2/12(五)个課。本成拜五前一下晝吾先生就載我轉屋下个，好得拜五下晝吂出門前，好朋友孟芳打電話同我講，我正留加一暗晡在台北。
講着愛轉通霄屋下，吾歸身有已複雜个愛恨情仇。37年來，做厥屋下个心臼，講值也當值，講做也免不了，全係自家分自家个壓力。因爭，吾家娘係世界最好个哀仔，怇惜花連盆、惜子連孫，子兒、心臼，妹仔、婿郎，一抹煞惜入心。2/20(正月13)拜六轉晝，吾先生衫褲摎我洗好、煮晝也煮好，我食飽晝嘴一抹，就跈厥車仔轉屋下。先繞過苗栗接着妹仔，續等就共下轉通霄屋下。
一入門，家娘在該泡燒水使用電動泡腳桶在該按摩腳底。黏時，佢講[泡好咧]，吾先生厥倈仔遽遽同佢收揫；我煞煞煮暗餐。食飽夜，四儕人共下看電視，家娘歸日就看【民視】，佢單淨聽仔識學老話，其他電視台佢無趣味。暗晡時看<嫁妝>連續劇，第二日下晝重播再過看加一遍，恁樣个事齣日日無變，佢講佢無看入心，有電視聲陪佢過日仔就做得。哀哟!這係麼个品質个生活?送我，我就無愛。下二擺，我便老咧，會麼个色相啊 ?
2/21(日)吾家娘暗示講愛去吾个同學阿仙个薑麻園山居討一頭櫻花來種，吾先生拿[愛準備天光日拜喏，無閒過去]个理由毋想停動，四子阿婆又跔在屋下戴一日夜。
拜一2/22(正月半)妹仔上班去咧，我兩公婆歸日無閒搣拜喏个事頭，吾老公煮碗，又負責扛上三樓神明廳，我掝出去市場買魚仔同青菜，一直到下晝臨暗邊仔轉到台北屋下，吾先生正講佢昨暗晡透暗晡無睡，會天光時正凜一下目。今晡日無閒到捩捩轉，實在難為這[新好男仔人]啊!
祭拜天公(三界公)，純粹15樣素果餅類。
元宵節，不可或缺有湯圓應景。
拜天公後，拜佛祖；依然每個程序都要斟酒三巡，燒紙錢；拿香拜拜燒紙錢，空氣汙染吃弗消。
最重頭戲是拜公媽，要準備碗筷讓祖宗們享用家常好菜，有葷有素，其中阿媽和一個嬸婆生前是茹素者。
我老妹說，我家拜拜事宜比她婆家的繁複多多。
入境隨俗，吃誰家的飯，就要做誰家的事，這是理所當然的。問題是現在我是吃我自己，我並不靠婆家過活啊 !
知否 ? 除了拜神明廳眾神和列祖列宗，還要拜廚房的地基祖，還要拜外頭媽祖和土地公。除夕過年時才行禮如儀，怎麼才半個月又重複一遍 ?
當人家的兒媳，還有什麼比[聽話照做]還得人惜个呢 ?
留言列表
