阿芳心曲

昨晡朝晨第3.4節四年生上課時間，

學校舉辦了客語朗讀比賽。

規定吾四五年生選修个學生仔定著愛參加，

「肯去就一擔樵，毋肯去就屋下愁」老古人話早就講便咧!

[只愛功夫深，鐵筋磨成針]啊!

上學期末課程結束前兩禮拜，就發文稿分你，

提供標準音檔分你copy，做得利用寒假充分練習，

開學咧兩禮拜後正比賽，還吂準備好?

「有心草圃變黃金」，你愛也無愛做盡自家決定，

「師父領入門，修行在各人」，你淨戇狗想食豬肝骨，

嗄毋肯自家煞猛打拚，𠊎也無奈何咧哩。

總共28儕有報名，4儕人棄權。還有24儕參賽，除忒海陸腔3個，吾班三.四.五年生總聚還有21儕，其中一個五年生个大哥，在教室上課時節話子盡多大嫲聲[豬接杓]輒輒攪亂吾上課个節奏，毋過連續兩年來到賽場頂高，就肅恬到比貓叫較細聲，毋知愛仰般來教佢[膽大大，大咧做公太]哩?

總講:分佢兜機會做練習，佢自家好好去體會，有一日厥頭腦就會愐通，上台講話無麼个好驚，毋使自家嚇自家。

這兩位海陸腔參賽者，三年生阿哥&一年生老妹

佢兜个阿爸特別在現場全程錄影陪伴。

係無家長个支持&教導，

客家話強強就會無見忒咧!

包尾，范姜主任鼓勵:

[大家恁慶!換做𠊎，𠊎還唸毋出哩!]

承蒙

恁仔細