close
這[教學支援工作人員]个工作，分𠊎感恩感謝淰淰；係無這工作，𠊎毋知愛仰般過日仔?感恩學校，感恩學生仔，感恩家長，分𠊎有這份工作；感恩吾屋下人，分𠊎安然自在過自家想愛過个生活。
這下感覺自家个記性退化忒遽，遽到會著驚，來這屋下附近个國小踏入第五年半咧?著!既經做滿四年咧。這四年个過程中央，輕舟已過萬重山，快樂多過負擔。同學校个同事也較熟絡咧，吾專用教室就在一樓最近校門个一間，雖然同當多先生共下使用，毋過相安毋事，盡感謝環境整潔个維護。
𠊎承領咧教室前一垤花圃，負責淋水；還有開心農場暫時維護，挷草這兜。為著這兜事頭，朝晨就愛早去學校，吾个朝晨排舞停忒，一個圓身毋可能樣樣愛做揫，有捨正有得。
椰林小徑盡頭就是我的教室
椰花落滿徑
高聳椰子樹見證校史82載
椰子樹落花
早開的杜鵑
樂當志工 怡情養性又健身
樂在教學 自我成長還傳承
我是快樂的客語教師!
文章標籤
全站熱搜
留言列表
