這棧仔，
園裡麝香(鐵砲)百合開到十分鬧。
餳著當多過路人停下腳步來欣賞。
百合種類有麝香（鐵砲）百合、台灣百合（又叫高砂百合是台灣原生種）、豔紅鹿子百合等。
現在開的百合應為麝香（鐵砲）百合，台灣百合大多在七月開，兩者的花近似，但是葉子的形狀明顯不同。
我很喜歡台灣百合，也就是野百合，因為是野生的，涼月橘莊就有野生有幾棵。
前一駁仔
打風馳。
分風打斷个花連梗，
我拿轉屋下用花盎仔插到窗門陽台脣，
陣陣清香鑽鼻公。
還異耐當，當仔歸禮拜還吂謝忒哩!
種花愛之花性，
無治理，就毋會靚。
多謝花園个阿賴、樂樂、阿林、王老師恁煞猛，
日日抽間來照顧。
我這滿仔，
事情多較無閒。
成時，行過去，
任翕相，無ten手，當敗勢!
謹拿這一束馨香
奉獻分正在今晡朝晨翻轉點溘然謝世的
陳屋吾三叔 陳運創老師。
聽講佢昨晡日，在署立新竹醫院開心手術，
旋風愛開刀，醫生無把握，
佢自家乜無簽手術同意書。
就恁樣無交代半句話，可能，
聽淑影表嫂同我講。
其實，打早六點零，
吾老弟就打電話通知這壞消息了!
唉!
詏命毋得!
吾爸共樣45歲也在省立新竹醫院辭世。
吾創叔得壽79，
較仰般，乜分人當毋盼得啊!
阿創叔!一路好行!
我會永久記得您識對我恁相惜。
您對我个好，我永記在心，毋敢忘。
希望
您對天庭頂堵著若大哥大嫂、吾爸吾姆个時節，
同佢兩儕講:
屋下大細一切平安和捼!
乜請您保庇 阿叔姆&大家
這兜係花吂開个樣相，
乜恁得人惜!
最頭前个一蕊吂開个[花苞]
恁仔細
承蒙你
全站熱搜
留言列表
