阿芳心曲

姑丈用手機所攝得

秋姑受洗之剎那~神蹟顯現

心靈富足勝過珍饈美饌

我代表頭份四位阿叔同吾老弟，今晡朝晨參加

阿秋姑受洗成為[神个門徒]个典禮。

第一擺个經驗，印象特別深。

原來基督徒个受洗儀式(安到[浸禮])係，歸個人浸到浴缸裡背，頭那抌ziim到水中央1.2秒後，正䟘hong起來。

浸禮之前，有司琴[序樂]，司會[宣召/禱告]摎[敬拜]；之後，牧師个[讀經]、[證道]做下當精彩。

蔡聰泳牧師&王錦香牧師係夫妻檔，主持[豐盛教會]三年零。蔡牧師講:第一愛[謙卑]，第二[放下]，第三[順服]，第四[倚靠神]，第五[愛講肯定个話]，係學做主門徒愛實行个要領。我聽了，感覺 [三月个花園——當有道理(桃李)]

佢講亞伯拉罕獻愛子以撒，以撒的後代建國，以色列

蒙福，全世界金融操縱在猶太人手中。

愛主深切个國家更繁盛，像中國11%基督徒，經濟快速起飛(南韓也是)，台灣信基督教个4%定定。倚靠神，全然交託主，必然得救!忽然間，我愐起李安大導个《少年Pi》船難後在海上漂流兩百零日，就係[倚靠神]，分佢圖過難關。

幸福、喜樂、盼望。門徒選擇个係[彼此相愛]。

恁合自然數个零次方就係等於一，故所，[歸於獨一的真神]，順服就得百福。

「若係有人在基督裡背，佢就係新造个人。舊个事既經過忒，都變成新个了。」(哥林多後書5:17)

感謝分我有這機會參加這難得个榮光，在此虔敬祝禱

秋姑信主  全家蒙福

恁仔細

承蒙你