正一日好光景，
這棧仔，天時無異華麗，
冷氣團三不二時南下來搞尞。
單淨冷咻咻个霜風來刮面，就分人堵毋著；
成時天公爺還輒常毋知分麼个感動到
歸日仔鼻流鼻串。
今晡日，舊曆十二月初一，
上隻月，好天時敢怕無十日?!
昨晡日，好光景正一日，
我在花園半朝晨定定，
做到腰骨痠軟痛。
臨晝邊仔，
橫在花園脣紅毛泥圈仔頂項，
目絲絲仔影等天頂高个青天白雲，
麼个就毋使愐、麼个就毋使愁，
天光日總講係天落紅雨，
抑係地球撞到其他星仔，
也無吾漦事。
大不了，
人類共下同歸於盡。
結果，
今晡日天公老爺又像分王母娘苦毒(虐待)到恁衰coiˊ過(可憐)，盡命牯噭毋會煞sod台(演完)。(使命哭個沒完沒了)
天公啊!你仰恁毋會做人?
正一日好光景，
不管地老天荒，
我就愛你一個人!
全站熱搜
留言列表
