昨晡日天時當寒，一連兩日就共樣——寒到打狗就無愛出門，目鏡个螺絲鬆忒，鏡片落忒，愛尋目鏡店撙緪，故所毋驚冷風雪水出門去。
經過老市場肚一家豬店，頭家娘好禮同ngaiˇ相借問，鬦當ngaiˇ買3斤胛心肉，切到四四方方9垤。
食飽晝，就開始摸，一垤一垤用棉線起來，腈肉忒賁，就毋起，愛切忒忒賁該位所。放到鑊肚，磡兜蒜頭，摎豆油、米酒，一息仔冰糖，慢火烳滾，再牯加兜水淹過肉，用盡細火去硞，足足兩三點鐘。這過程中，一陣一陣鑽鼻公个香味盡餳人，結果無燒火，軟習習仔，吾家娘說ngaiˇ恁會，ngaiˇ乜異沙鼻!
包尾睡目前正愐到: 烳東坡肉愛用三層肉正著。ngaiˇ像發現新大陸樣仔同吾老公講。佢回答：「好食就好，下一擺你正換三層肉做做看仔啊!」
到今，ngaiˇ自家毋敢食該肥个，講實在，吾兩公婆同家倌家娘四儕中、老年人，實在無適合多食這重口味个肉類。經冰箱結凍个肨白豬油，刮起有一飯碗，阿姆哀!吾身上个肥肉就係恁樣來个哦!
全站熱搜
留言列表
