因爭種種原因，三個零月無去泅水。
今晡朝晨去一下，
大約泅咧1000公尺，浸泡燒水池5分鐘，
蒸氣室大約10分鐘，結果排隊等浴堂洗身，
宕忒盡久時間，前前後後花忒怕有2點鐘。
久無運動，全身停動咧乜會痠軟痛！
越無停動，就越毋想停動。
無怪張阿伯看著我，講:「恁久無看著你，你發福咧哩！」就係咩！
無論老嫩大細，尤其係細妹仔，講著[肥]就煩惱！
歸生人就在這「肥咧」、「減肥」兩種情況循環度過。
還較慘个，就係我從來無感覺自家有[瘦]過，就係講，
自從毋識滿意過自家个身裝，引試著自家忒肥！
尤其這棧仔更年期快過忒咧，新陳代謝遲緩，更加不能放勢仔無節約盡命牯齕歸肚飽。
天上諸神：請賜分我堅耐个心，講愛減肥，就做得做著!我定著無愛變成一條大豬嫲！
恁仔細!
承蒙你!
全站熱搜
留言列表
