靚妹仔 阿惠月,大學法律系畢業;志趣毋合,就轉型[客家]。無論客
家大戲、電視劇演出、配音、電台主持、事務行政、客語教學......
項項恁會。最難得个係,佢人靚性體又好!佢係吾盡欣賞个客家女性同
胞之一,乜係吾个好朋友。
恭喜101年【台北墨客】雙料得獎[冠軍女王]
-------------------------------------------------------------------------------------------------------------------------
101年墨客臺北徵文(短文組)佳作
作品名稱:歸盪个舊報紙(大埔腔)@劉惠月
gui tongˋ gai kiuˋ bo zhi
吾家娘雖然破病,毋過佢性體係鹹菜型,麼人都攞得。又好得有大娘姑同小郎叔 ten 手,那無 這做心臼儕,實在毋知愛仰脣同有一屑生疏个家娘戴共下。
家娘平時省屎省尿,著个衫㝗㝗㝩㝩,當毋合身。佢講恁仔使得著幾下年着。佢輒輒同看撇个新聞紙囥在眠床下,毋多知緊囤緊多, 當驚會火燒屋,想愛徙走,老公就勸話講:「貨有百客,伯姆有大伯」,喊 ngaiˇ毋使愁。
該日ngaiˇ 當毋著咧,想同歸盪个舊報紙,對暗摸摸个眠床下搬到廳項,準廢紙賣。認真看咧,正知底背有家娘个字跡,有佢對臺北个回憶。係佢讀臺北、收藏臺北个見證, 竟然都毋知。差一屑同台北賣撇咧。
(辭意解釋)
破病poˋ piangˋ患病
鹹菜型hamˇ coiˋ hinˇ喻個性隨和
仰脣ngiong shun 怎樣
一屑rhid sud 一點
㝗㝗㝩㝩long long kong kong 過於寬鬆
貨有百客,伯姆有大伯 比喻凡事終有所屬,不需要擔心。
暗摸摸am mo mo 黑漆漆
當毋著dong m diau 受不了
(短文組)(華語語義)作品名稱:整疊的舊報紙
我婆婆雖然生病,但她個性是鹹菜型,任何人都聊得開。又幸好有大姑及小叔幫忙,不然我這做媳婦的,實在不知道要如何跟有一點生疏的婆婆住一起。
婆婆平時非常節省,穿的衣服寬寬鬆鬆,非常不合身。她說這樣可以穿好幾年。她常常將看完的報紙藏在床下,不知不覺越積越多,我很怕會發生我災,想要將他們搬走,老公就勸說:「貨有百客,伯姆有大伯」,叫我不必煩惱。
那天我受不了了,想將整疊的舊報紙,從黑漆漆的床下搬到客廳,當廢紙賣。認真看了後,才知道舊報紙裡面有婆婆的字跡,有她對臺北的回憶。是她讀臺北、收藏臺北的見證,我竟然都不知道。差一點將台北賣掉了。
留言列表