虞美人
蜀葵
玉蘭花
茉莉花
美人蕉
朝晨去河濱花園,天時烏陰烏陰,當堵好翕相。
[虞美人]漸漸會謝咧!黃黃燥兮燥兮个葉仔宣示等厥退場時節就會到來咧哩!
[蜀葵]恁多花色輪番上陣,鬧熱滾滾!
[玉蘭花]在石壁脣惦惦開花惦惦香!謸蠻鬧棚!
[茉莉花]親像白淨个細雪球,正開始愛大顯身手!
[美人蕉]各色各樣相爭比背、停動圓身緊頷頭,就像喊人來欣賞佢兜个[晨風圓舞曲]。
無帶著禾鐮仔,我擎钁頭劈草,分路人糾正[斬草不除根],斯會正生出來哟!
游瑞珠主任路過,兩儕譫哆一下;9點零,日頭恁烈,就各自轉屋下。
下晝,去市立教大旁聽古國順大師博士班[方志]課。感謝左春香老師牽成!讀書係蓋幸福个事,假使純粹為趣味,無壓力个。下星期,我還愛再牯聽一擺。
承蒙你!
恁仔細!
全站熱搜