阿芳心曲

今晡日舊曆12月25  新曆正月18   星期三

朝晨7:00零，就分對面學校鬧煎煎个聲吵醒。

因爭昨暗晡反燥睡毋落覺，

一直到轉點1:40正上眠床。

其實，我昨暗晡9:20就想睡目，

毋過，上咧眠床嗄目金金想東想西睡毋忒，

這央時，阿賴先生連打兩通手機分我，

我跋hong床接手機，

知著:

樂樂昨暗晡同阿賴先生食過夜

騎自行車轉屋下時節，

在塔悠路6號水門出來，

愛去民權東路時，

分一個原住民細倈仔騎o-do-baiˋ撞著，

送去長庚急診。

包尾，

我又打電話分樂樂 ，  講咧51分鐘。

佢講:

左片膝頭皮肉傷定定。

毋過，該腫到長褲捋毋上，愛用剪刀剪開來个情形，

這傷songˊ折盟(相當)傷xiongˊ重diong(嚴重)。

還衰過，一儕人無人做伴當孤栖!

記得，上擺佢乜共地點，騎自行車著車禍。

係我係佢，我毋會行6號水門，

我會在5號水門出去，行富錦街轉敦化北路。

我識同佢講過，毋過，

各儕有各儕的慣俗，

無幾久之間，發生咧兩擺意外，

實在無奈何!

佢正同我講，

過年在台北過，無愛轉雲林。

這下，

過年前，堵著這衰事，

有咂媸哦!

祈求   天公爺

分佢早早好

承蒙    天公爺

恁仔細

勞力