紫芳草
昨暗晡吂九點就上眠牀。
正橫啊下來，
聽著妹仔轉來个開門聲，
等佢行兼來，
同佢講「晚安」了續等[牽覺到天光]。
無啦!一覺到半夜轉點邊仔，
目珠一擘金，
房間个電火仰會細葩開等?
隔壁還有一對金金个目珠看等，
「诶!你……」吂講煞，
吾寶貝妹仔講:「有老鼠」。
講從11點20聽著灶下有「怪怪的聲音」，
佢就毋敢入自家間項。(厥房間在灶下脣)
兩子哀擘起來 ， 去灶下巡一遍，
好雪雪仔!
陪佢倒在厥眠牀，
聽佢講這兩點鐘厥驚怕个心理過程。
阿姆哀!怪就怪佢出世時，無同佢做膽。
仰會分一隻愐想个細老鼠攪到心寒膽惇?
還講仰般恁好睡，引吵就吵毋醒?
有想愛打電話同厥爸講，
又驚吵著睡癖毋好个佢。
話還吂講忒，厥爸就開門轉來，
正經安到「心有靈犀一點通」!
這下係轉點1:30。
石竹
承蒙你!
恁仔細!
全站熱搜
留言列表
