阿芳心曲

昨暗晡去板橋[黃金讀書會]。

兆華煮五菜一湯，大家食到飽飶飶。

康宏係主席，劉楨總記錄，

捷明哥總係認真列印厥發言資料分家，

惠月、劉楨个才華，還有留俄才子于芳个親切，

兆華會煮食，又會畫圖，還會彈吉他唱歌仔……

認識佢兜，係吾福氣。

這擺討論主題係【鍾鐵民】，

兩點鐘下來，除咧感謝還係感謝。

從各儕不同个角度，來看這位客家文學才子，

確實厥70年壽裡背，佢比你、比我就慶加當多咧哩!

轉到屋下10:30過橫，煞煞洗湯了就上眠床ㄜㄜ。

朝晨打早，吾老公愛轉通霄，

好得佢喊我莫共下轉，黏時成德林先生打電話分我，

我正想到今晡朝晨係

[北市國小鄉土語言競賽]複賽个日仔。

行成十分仔邊仔就到西松國小。

8:30比賽選手全部上樓集中，

學生紫晴(朗讀)既經上樓去，

另外阿富翔參加字音字形，

我無堵到佢。

最先堵到成德个張主任，

還看著客語先生朋友

朱瑩琦、彭文姬、羅慧霞、彭賜招(修德現任自然老師)、羅寶珠。

比起佢兜對學生仔个關照，

我異敗勢!

毋過，

成德愛我，我愛成德，

這係千真萬確个事實。

還堵著黛媽咪的[一哥]~汪詠黛老師的老公林淳一  

他晨間運動後，駐足欣賞小朋友唱客家歌謠

與紫晴个爺哀共下翕相留念

教務張主任從初賽到複賽都陪伴帶領   紫晴上台時全程錄影

很穩!流暢自如，可惜甫一上台  老天爺開起玩笑  颳起風來......

樓上施工的叮咚聲透過轉播清晰可辨

這下，我較看咧開，

學生仔參加任何比賽，

佢係有需要吾指導，我會盡命牯教佢；

佢係無需要，乜毋使[雞婆]得人惱。

總講:

[優秀个學生仔係教導出來个；

慶斗个子弟係訓練出來个。]

上台該四分鐘个表現，就決定咧入選無入選。

我同紫晴講:

[在吾心中，你係NO.1!]

恁仔細!

勞力!