阿芳心曲

恁多親愛个同學共下歡喜來講習    係異幸福个事

相見歡~~        

利用上課以前 盡命牯打嘴鼓

這站仔上咧華客 [口譯課 ]36點鐘研習；

還有利用星期六、禮拜日，客委會委託巨匠電腦承辦个 [客語薪傳師培訓 ]，

上禮拜正拿著(一般課程)个結業證書，這星期繼續上(專業課程)。

今晡朝晨上了  呂錦明教授个【客家歌謠類】，短短該3點鐘愛紹介台灣客家歌謠个概述、表現形式&表演藝術，摎團體教學。實在還佩服厥个熱誠付出，在這客家歌謠&客語合唱个奉獻。

其中最記得个，就係佢講，一般唱歌仔，分男聲、女聲，童聲(無分男女)、變聲期。細倈仔喉嗹胲(聲帶)會多生1.5~1.6cm，細妹仔較無明顯，無論男女，到變聲期，定著毋好強逼唱忒高低个音，盡好利用這時期，培養佢兜半大細子摸樂器、搞樂器，千萬做毋得"揠苗助長"，係講喉嗹胲壞蹄咧，矯治就大困難咧!為人師長，不可不知哟!

http://tw.myblog.yahoo.com/lily4469/article?mid=5754&prev=6280&next=5158&l=f&fid=40台灣客家山歌

下晝，【客家文學類】有請馮輝岳先生主講 [客家童謠篇~客家童詩、散文賞析摎創作 ]，還兼講徐貴榮博士个 [認識客語用字 ]講義 。乜同朝晨共樣精采。馮先生係鍾肇政个學生仔，佢受咧小學先生个鼓勵，加上自家个趣味&努力，一生人頭磬磬仔煞猛在 [童詩、童詩、散文 ]，甚至 [小說 ]打拼，後生時節佢乜得過 【吳濁流文學獎】咧哩!聯經出版个【阿公个八角風箏】從民生報出版開始既經10過刷咧~叫好又叫座!厥个寫作功力，斯毋係一下半就造成个哦!