阿芳心曲

吾爸既經過身39年哩!

毋阿爸个日仔早就慣勢咧，

硬詏命乜詏毋過天公个安排。

故所，

天公安排 我做通霄周姓人个心臼，

我也當歡喜。

到目前為止，

做得講幸福美滿。

這全全愛感謝吾老公同家倌、家娘&周家老嫩大細个相惜。

這下，

我愛紹介个鄰舍   張老師老公婆

先講

張先生係吾家倌小學个同窗

乜係吾外家阿爸中學(新竹高工第一屆)六年个同學

阿爸念過台中師範兩年  正從考讀新竹高工

所以  張先生比吾爸細兩歲

佢兩儕平平無異高  六年就坐第一排隔壁坐

等我嫁過來通霄   正知這段因緣

張先生逐擺透嘆  吾爸無福氣  恁早就無命

佢雖然在中學教理化20零年

毋過

吂到退休規定就辭職

想愛自家做貿易

結果  乜無運 分人倒淨淨

好得降有2子1女   做盡成家立業  毋使倆老愁

脫體  厥滿子在台東開婦產科診所  當賺錢

照顧兩老盡週到

請外勞服侍有"巴金森氏病"&肝癌个阿姆~

金燕阿嬸後生時係當靚个美女

畫國畫、寫毛筆字係退休了清閒時節63歲咧正學个

畫著盡好

2000年佢70歲生日

厥子女摎佢出版一冊<<李金燕畫集>>

該時  佢已經發"巴金森氏病"兩三年  手會吃kidˋ吃 zunˊ(顫抖)

這係前年送我个  張先生模仿愛妻字跡寫字分我

該央時  阿嬸早就無法度擎筆寫字

該日去厥屋下

9:00零咧 佢兩公婆正食朝

金燕嬸大作

牡丹富貴

大水沖

從此繫日乏長繩

老年自是望河清

作品   鶯歌燒窯製

紫藤好鳥鳴

莫講天公也會忌妒人間个幸福美滿?