上星期四歸日落雨，溼溚溚，異清冷，打狗就毋想出門。
毋過，連續兩日無出空，實在乜當無生趣，嬌嬌臨晝邊仔打電話來，講:
有閒無?暗晡夜來看ngaiˇ做戲，ngaiˇ做皇后咧!
還好哟!有人喊較贏無人眡搭seˇdabˋ(理會)
故所，當感謝阿嬌个邀請
7:00~8:00P.M.一點鐘个齣事，精采好看，佢兜係業餘个
粉墨豋場，有板有眼，有模有樣，ngaiˇ當歆羨
下一期大稻埕學院【客家戲劇班】開班時，定著愛記得同班長阿嬌報名參加
人生無幾多時，做得在舞台上做撮把戲分人看哩!
彭彩琴反串唐肅宗:器宇軒昂 扮相威風 音色宏亮 唱腔迷人
好朋友吳聰嬌:皇后娘娘，一出場嬌美有笑容，當得人惜
駙馬爺討公主
劉惠月:金枝公主 表情生動 舉手投足溫婉有致
彭賜招老師:反串駙馬爺郭璦(郭子儀幼子) 她精通編劇 頭次演細倈仔 當有架式
郭子儀80大壽做生日，唐肅宗皇帝同皇后係新親家，乜來祝壽
全站熱搜
留言列表
