阿芳心曲

昨晡日，去潮州會館參加一個客家朋友个聚總。

看到當多舊年為著愛參加＜客語中高級認證＞時節，共下打拼个指導先生、同學這兜人。

久無見面，大家親妮妮仔，這種【親不親，故鄉人】个族群關係个＂奇蒙子＂異好。

下晝，主辦人請來一位盡靚个細阿姊同大家老嫩大細、男人婦女上一堂＜美姿美儀＞个課程。

我在大鏡仔面前，練習行路，分細阿姊先生校正，正知：

歸生人自家个姿勢無正，企坐行路無正確。

續等，廖珮君小姐演講＜言語與溝通＞，十分精彩實用。

佢開始自我介紹講，係＜中華演說藝術協會＞成員，

旋風我想到二十大年前，我乜係會員～

胡興梅、王淑俐教授伉儷今在哪位？

我緊拼拼仔趕去坐火車轉通霄，嗄無抽牽同佢＂譫哆＂。

人生何處不相逢？有緣定著愛相惜！

P.S.下星期六，7月3日10:)0~13:00本本在這位~

潮州街22號3樓(杭州南路交口)(捷運新店線古亭站6號出口羅斯福路右轉杭州南路、潮州街口)

有一場<台灣母語協會>客家鄉親大集合个活動，

不論客家、學老、外省，大家相招共下來打拼商量，愛仰般來愛台灣正正確。

請大家同這份愛傳下去!