阿芳心曲

可敬个捷 明 先生:

寫作出書係異辛苦个事!

古來聖賢皆寂寞，唯有"作者"留其名?

寫書个人未必留名，"寂寞"一定免不了!

本成你係為著趣味正寫，至於現實有人買抑無人買就毋使忒急，你急死乜無採，大環境愛看書个人異少──特別係"閒書"；還有電腦網路閱讀取代傳統讀本閱讀咧!

記得， 劉興欽 博士講過:

發明確實好賺，畫漫畫當硬頭。

連有名个漫畫家就有恁樣个感慨，故所，成名以前个作家異艱辛!

毋過，盡佩服厥"硬頸"堅持个決心，繼續"做就係對"下去，相信皇天定不負苦心人!祝福!

P.S.年下仔同你買个<<客家少年>>(苗栗縣政府出版，聽講無書咧，除非再版)，<<細老鼠同番豆>>，<<大哥个畢業旅行>>，<<下課十分鐘>>做下係目前學習寫客語个範本，承蒙你!

感恩!

祝福!

                                                                後學

                                                                           阿芳敬上2010/5/18