憨狗想食豬肝湯
「食兩粒黃豆仔，想學人上西天。」輒常捱(我)自家就犯著這毛病，聽著一聲雷公，就liaˋ著(當作)落大水。
對臥背(外面)刺激介反應特強，一下仔愐著盡多思想，續等愛仰般進行，續罅毋底無知仰介煞，這般讀了「客家話」，當有趣味，就想愛寫客語文章——無會無蝦米輸入，靠注音輸入，字又無恁該尋；想愛讀客家研究所，目珠無增志，白內障手術過，乾眼症、飛蚊症害捱震動無利便，總講捱無才調，嘴硬屎vudˋ(屁股)ban(軟趴趴)，會講難實行。
捱盡惱吾這花螺心，毋過，性體生正介，造成捱一生人無麼介自己較合意介成就，到這下，年視年老，還有麼介理想好愐，愐到鬚牯變白乜共樣一事無成，故所愛惦惦做，做幾多算幾多，無使東緬西想，煞力牯認真就著。
拜託大家多指教!承蒙你!
全站熱搜
留言列表
