阿芳心曲

2009/12/19寒流來幾下日咧，正盡寒个時節，暗晡頭9:0邊仔，「捱」在頭份妹家，堵堵洗等身，木櫺窗顫

著叮叮咚咚，續等感著地動樣仔。正經就係四級介地動！震

央佇花蓮外海，6.8級，係在陸地，該無知愛造成仰般嚴重界

災害呢？

愐著台灣十年前介921大地動，到這下還心寒膽撙。

該央時，有幾多人介屋仔崩忒塌落，親人一下之間天人永別，

造成中南部車龍埔斷層附近个住民一𥍉目全身家做盡無淨淨，

臨尾經過長間个復建，漸漸正做得重新過日仔。

打白講，面對地動這兜天災，恩兜人盡難嶄然避開，因爭

「人害人肥趉趉，天害人一把骨」咧哩！毋過，這央時科學發

達，恩兜打早就做得探測知著哪位所係地動危險个所在，故所

提早預防，莫去該位起屋、歇家同開墾啊！

「摁」客家人旦勢堅耐、煞猛，咬薑啜醋、開山打林、無所

不能，故所一有好打幫，就盡命牯開發山園，根本無考慮著大

自然這兜資源分人使過橫，厥生存原則分人損淨淨，就會惹著

天神發譴咧哩！

地動了後，係講續等發風搓、做大水，山肚項崩崗「悷」屻、

漚泥落石；平洋頂路崩橋斷、河壩橫瀉，大自家強強就堵毋著

（diauˇ）無結煞，百項受著威脅，造成各方面無利便，家財

歇屋做盡分佢沖忒，到該下，噭天噭地乜喊毋轉青山綠水靚靚

个家園哩咧！

所以，大自家係講無惜「摁」个在地環境，佢仰般會回報

「摁」兜好光景？

盡多人為著打拼經濟，就煞力牯伐地種作，無就在山頂項 起

屋仔抑或經營民宿，無考慮著包尾會引起个一抹煞天然个反

撲——「地球暖化」、「海平面升高」……

故所，「摁」大家逐儕就愛細心細意維護環境，也愛教育下一

代盡著愛有「尊重自然」个觀念，世世代代愛摎天然環境和挼

共下過日仔，人人做環保，儕儕愛實行，恁樣大自家正做得有

上安下樂个太平好日仔好過。